قمرة يا الوقادة الفقري وين بلاده
قمرة قالت ريته وين مشيت لقيته
يخدم من صبحيته ما شبعش ولاده
قمرة ليلة خمسة نحكيلك بالهمسة
شعبي غابت شمسه ولا طال رقاده
قمرة ليلة عشرة ضوي هاك الدشره
خلي تبان الحشرة اللي تاكل في زاده
قمرة قولي لا لا للناس الدجالة
ضوي عالبطالة و خادمة و كداده
قمرة قالت بكيت من كثرة ما ريت
عمري ما حسيت في سماكم بسعادة
ضوي ليل بلادي يبين درب اندادي
خلي يغني الحادي و يسمعنا انشاده
كلمات التوهامي الشايب
video
No comments:
Post a Comment