أنا و شعري و كعبة البيرة

مشيت اليوم لسنتر فيل، هبطت في شارع لحبيب بورقيبة، ممسطوا شبيه ولا هكاكة، قهاوي فارغة لا طلبة، لا فنانين لا حياة. لعباد اللي قاعدين في لقهاوي (كعبتين و كعبة) تحسها موش بلاصتهوم تحب تقلهوم قوموا نيكوا. ما ريتيش هاك البزناسة الزبابر متاع قهوة بانوراما (بقيت ساعة نلوج في زك أمها) و ما ريتش ها لمليهطات متاع قهوة الكوليزي. ما ريت كان لي زومبي (أ لا فن س هعهعهع) الحاصيلو الي لاحضتو و قلقني برشة عباد تغزرلي و تغزر الشعري و تبقى باهتة. في زك شارع لحبيب بوقيبة. ولاشي شعري مقلقني وحسيتو موش مطاوعني. أيا أنا قضيت قضيتي و قلت نقطع، تعديت في شارع باريس، شارع الفن يا زبي، ايكول دي ميزيك، و زوز مسارح و دنيا ... وآآآآآلو كان لي زومبي، 0% فن، كان لعفن. مالقيتيش هاك ليزيتيديون متاع الموسيقى و ما قابلتني حتى آلة موسيقى و لا هاك الحضبة قدام ابن رشيق. كان لي زومبي. الحصيلو شعري زاد قلقني، شريت مجلة و خذيت الميترو ممسطو شبيه هكاكة. لا دز لا لز لا تكحيل لا بلادة حتى كمشة فروخ طلعوا يعملوا في الحس بشوية. الناس الكل خايفة من بعضها و باهتة في بعضها (تلقاه الواحد يهز راسو يشوف الي بجنبو و يقول في قلبو باين في زك امو نهضة للدم الميبون خلي نبعد عليه خير. و لاخر و لاخر). الحصيلو فصعت من الميترو، قضيت قضيتي في لوي براي نلقى الدبو بجنبي قلت علاش لا دخلت ناخذ كعبات. حتى من زك ام الدبو تبدل، يخدمو فيه 'ديزافريكان' (تناكت لبلاد)، كيف العبيد هاو نحكيلكوم آش صار أنا قلت للكاسيي (تونسي بيان سور) ستة، تلفت للصانع (لفريكان) قالو سيس لاخر سمعها ديس (هعهعهعهع) مدلي عشرة. أنا فهمت اللقطة هزيت هزيت ستة و قتلو سيس، و سمعني الكاسيي. وطاح فيه سبان. أنا مخي موش معاهم على خاطر شعري خرج على سيطرة. خرجت و خليتهم. وصلت لدار بردت الكعبات، جبدت كعبة و مشيت غسلت شعري.

اليوما حسيت روحي كيف شيهيرو في بلاد ما نعرفهاش و لعباد الكلها نو فايس.

خاف لا نولي كيف لعباد نولي نو فايس...

Chihiro & No Face Spirited Away